Судлаачдын боловсруулсан энэхүү робот нь өндөр хурдны камер, мэдрэгч болон хиймэл оюуны алгоритм ашиглан бөмбөгний хөдөлгөөнийг бодит хугацаанд тооцоолж, хэдхэн миллисекундэд хариу үйлдэл үзүүлдэг аж. Туршилтын үеэр робот дундаж болон ахисан түвшний тоглогчидтой өрсөлдөж, олон тоглолтод давуу үр дүн үзүүлсэн байна.
Мэргэжилтнүүдийн мэдээлснээр робот тоглолтын явцад өрсөлдөгчийн арга барилыг шинжилж, цохилтын чиглэл болон хурданд хурдан дасан зохицох чадвартай гэнэ. Мөн хүний гарын хөдөлгөөнтэй төстэй механик систем ашигласнаар бөмбөгийг өндөр нарийвчлалтай цохих боломж бүрджээ.
Судлаачид энэхүү технологийг зөвхөн спортын зориулалтаар бус үйлдвэрлэл, эрүүл мэнд, автоматжуулалтын салбарт ашиглах боломжтой гэж үзэж байна. Ялангуяа хурдан тооцоолол, нарийн хөдөлгөөн шаардсан орчинд хиймэл оюунтай роботын хэрэглээ улам нэмэгдэх төлөвтэй байгаа аж.
Сүүлийн жилүүдэд хиймэл оюун ухаан болон робот технологийн хөгжил эрчимжиж, хүнтэй бодит орчинд хамтран ажиллах чадвартай системүүдийг дэлхийн олон улс эрчимтэй хөгжүүлж байна.
