Холливудын нэрт жүжигчин, инээдмийн жүжигчин Жим Керри удаан хугацаанд үерхсэн найз бүсгүй Мин Ахтайгаа Лос-Анжелес хотод нууцлаг, цомхон ёслолоор гэрлэжээ.
Түүний төлөөлөгч гэрлэлтийг PEOPLE сэтгүүлд баталсан байна. Хосын хурим 2026 оны есдүгээр сарын 30-нд болсон бөгөөд ёслолын газар, зочдын бүрэлдэхүүн зэрэг дэлгэрэнгүй мэдээллийг олон нийтэд зарлаагүй байна.
64 настай Жим Керри болон жүжигчин, уран бүтээлч Мин Ах нарын харилцаа олон нийтэд ил тод болоод удаагүй. Тэд 2026 оны хоёрдугаар сард Парист болсон “César Awards” ёслолд хамт оролцож, Керри түүнтэй харилцаатай гэдгээ олны өмнө илэрхийлсэн юм.
Энэ нь Жим Керригийн гурав дахь гэрлэлт болж байна. Тэрбээр өмнө нь Мелисса Вомертой 1987-1995 онд, “Dumb and Dumber” киноны хамтрагч Лорен Холлитой 1996-1997 онд гэрлэж байжээ.
Керри хувийн амьдралаа олон нийтээс нэлээд нууцалдаг гэдгээрээ алдартай бөгөөд Мин Ахтайгаа харилцаагаа ч удаан хугацаанд олны анхаарлаас хол байлгаж ирсэн байна.
