Үндэсний их баяр наадам, Ардын хувьсгалын ойн баярыг тохиолдуулан энэ жил иргэд зургаан өдөр дараалан амрах боломж бүрдэж байна.
Нийтээр тэмдэглэх баярын болон тэмдэглэлт өдрүүдийн тухай хууль болон Хөдөлмөрийн тухай хуульд Үндэсний их баяр наадам, Ардын хувьсгалын ойн баярын өдрүүдийг жил бүрийн долоодугаар сарын 10-15-ны өдрүүдэд тэмдэглэж, нийтээр амрахаар хуульчилсан байдаг.
Тодруулбал, долоодугаар сарын 10, 11, 12, 13, 14, 15-ны өдрүүдэд бүх нийтээр амрах юм.
Энэ жилийн тухайд долоодугаар сарын 10, 11-ний өдрүүд бямба, ням гарагт тохиож байгаа хэдий ч наадмын амралтын өдрүүд хуульд тусгайлан заасан тул нийт амралтын хугацаанд өөрчлөлт орохгүй.
Ингэснээр төрийн болон хувийн хэвшлийн байгууллагуудын ажилтан, албан хаагчид долоодугаар сарын 10-наас 15-ны өдрийг дуустал нийт зургаан өдөр амрах бөгөөд ажил, үйлчилгээ долоодугаар сарын 16-наас хэвийн горимдоо шилжих юм.
Үндэсний их баяр наадмын өдрүүдэд хүчит бөхийн барилдаан, хурдан морины уралдаан, сур, шагайн харваа зэрэг үндэсний уламжлалт арга хэмжээнүүд орон даяар зохион байгуулагдана.
