Саудын Арабын нийслэл Эр-Рияд хотын Хаан Халидын олон улсын нисэх буудлын цогцолборт аравдугаар сарын 10-нд пуужингийн халдлага болж, 12 хүн амиа алдан, 300 гаруй хүн шархаджээ. Зарим шархадсан хүний биеийн байдал хүнд байгаа талаар AP News мэдээлэв.
Халдлагын улмаас дотоодын нислэг үйлддэг 3, 4 дүгээр терминал байрлах хэсэг өртсөн байна. Амиа алдсан хүмүүсийн дунд Саудын Арабын болон бусад улсын иргэд байжээ.
Саудын Араб тэргүүтэй эвсэл халдлагад Йеменд үйл ажиллагаа явуулдаг, Ираны дэмжлэгтэй Хуситын босогчдыг буруутгасан байна. Харин халдлагын дараа АНУ-ын Ерөнхийлөгч Дональд Трамп тус бүлэглэлийн эсрэг Саудын Арабын цэргийн ажиллагаанд нэгдэх эсэхийг хэлэлцэж байгаагаа мэдэгджээ.
Энэхүү халдлага нь бүс нутагт үргэлжилж буй мөргөлдөөнийг улам хурцатгаж, иргэний дэд бүтэц болон нисэхийн аюулгүй байдалд ноцтой эрсдэл үүсгэж байна.
Эх сурвалж: AP News
